Никарагуа вакили “Коинот гўзали” танловида ғолиб чиқди

11:29 / 20.11.2023     115

Никарагуалик 23 ёшли Шейннис Алондра Паласиос Корнехо шанба оқшомида Марказий Америкада жойлашган Сальвадор давлатида финали бўлиб ўтган халқаро “Коинот гўзали” танлови ғолиби сифатида тан олинди. 72-бор уюштирилган тадбир махсус сайт орқали трансляция қилинди, деб ёзган “Юлдуз” (“The star”) нашри. Иккинчи ўрин Таиланд вакили – 27 ёшли Антония Порсилдга насиб этди.

– Турли мамлакатлардан келган иштирокчилар, ташкилотчи ва меҳмонларни қабул қилиш шарафига муяссар бўлдик, – деди Сальвадор Президенти Найиб Букеле. – Бу воқеа нималарга қодирлигимизни дунёга кўрсатиш имконини берди. Биз учун уйғониш даврининг бир қисми бўлган анжуманни танлаганингиз, мамлакатимизни қўллаб-қувватлаганингиз учун ташаккур.

 

Ҳар йили ўтказиладиган мазкур нуфузли танловда бу гал 80 дан зиёд давлатдан қизлар иштирок этди.

2024 йил “коинот гўзали” Мексикада аниқланади