Инфекцияланганлар
Соғайганлар
Вафот этганлар
Германияда Алишер Усмоновга тегишли виллаларни мусодара қилишга чақиришмоқда
15:10 / 16.05.2022     595
Германиянинг «Яшиллар» партияси Бавариянинг Роттах-Эгерн коммунасидаги Алишер Усмоновга алоқадор виллаларни мусодара қилишга чақирди. Бу ҳақда Forbes хабар бермоқда. Фото: The New York TimesМаҳаллий сиёсатчи, «Яшиллар» партияси ва Роттах-Эгерн шаҳар кенгаши аъзоси Томас Томашек расмийлардан виллаларни тортиб олишни талаб қилмоқда.Март ойи охирида у виллалар яқинида 300 га яқин одамни тўплаб, норозилик намойишини уюштирган эди.Бизда бу олигархлар билан маънавий муаммо бор. Менга кўпчилик: Шовқин қилманг, бу бизнинг ишимиз эмас, дейишади. Менимча эса бу айнан бизнинг ишимиз, — дейди Томашек.Маҳаллий ҳокимият ва тадбиркорлар унинг ташаббусига қарши. Роттач-Эгерн мери Кристиан Кек фаолни «жодугар ови»да айблаб, Томашекни акция ўтказишдан қайтармоқчи бўлди.Томашекнинг ғоясини шаҳар кенгашининг бошқа аъзолари ҳам қўллаб-қувватламади, улардан бири Усмоновнинг архитектори бўлиб ишлаган.Виллаларни таъмирлаш билан шуғулланадиган маҳаллий уста Андреас Китзеру турар жойларни мусодара қилиш ғоясини ғайритабиий деб ҳисоблади.Унинг таъкидлашича, Усмонов ҳар доим эҳтиёткор бўлган ва унинг Украинадаги урушга ҳеч қандай алоқаси йўқ.Россиялик миллиардер Китзерудан ва яна бир қанча ходимларидан 1 млн долларга яқин қарздор, бироқ санкциялар туфайли уларни тўлай олмайди.Шу билан бирга, баъзи маҳаллий аҳолига кўра, олигархларни танқид қилувчилар кўпчиликнинг фикрини билдиради, бу эса расмийлар ва бизнес вакиллари томонидан эътиборга олинмаяпти.Уларга кўра, сиёсатчилар ва тадбиркорлар шаҳарнинг бадавлат аҳолисига хизмат кўрсатишдан наф кўрмоқда, қолганлари эса нархларнинг кучли ошиши туфайли шаҳарни тарк этишга мажбур бўлмоқда.Усмоновнинг матбуот хизмати Роттач-Эгерндаги мулк бир неча йил олдин тўлиқ шаффоф ва қонуний тарзда оилавий трастга ўтказилганини ва тадбиркорнинг Украинадаги урушга алоқаси йўқлигини таъкидлади.Бировнинг қонуний йўл билан қўлга киритилган мулкини мусодара қилишни талаб қилиш соф шаклда ҳуқуқий нигилизмдир. Усмонов адолат қарор топиб, унга нисбатан чекловлар олиб ташланганидан кейин шаҳарга қайтишга умид қилмоқда, — дейилади баёнотда.Аввалроқ Алишер Усмоновнинг «Дилбар» яхтаси экипаж ходимларисиз қолгани ҳақида хабар берилган эди.
Энг оммабоп янгиликлар
-
МИБ Наманган вилоятида ўзини ёққан аёлнинг 13 минг доллар пули нега ундирилмаганига изоҳ берди
19:16 / 03.10.2020   3442 -
Ҳурматли хайдовчилар диққатига
20:51 / 09.06.2020   3082 -
“Катта Наманган” каналидан вояга етмаган қизнинг жасади топилди. Уни сувга келинойиси итариб юборганлиги айтилмоқда
13:24 / 12.04.2021   2512 -
Диққат❗️ Бегона рақамга қайтиб қўнғироқ қилиш натижасида ҳисобингиздан катта миқдордаги маблағ ечиб олиниши мумкин
14:15 / 13.06.2020   2142 -
Наманганда “Қора дори-2020” тадбири натижаси
21:12 / 10.06.2020   1877