ЙТҲга учраган автобус ёниб кетди, 45 киши ҳалок бўлди

13:48 / 23.11.2021     402

Болгариядаги Струма шоссесида Шимолий Македониядан келган сайёҳлик автобуси ЙТҲга учради. Бу ҳақда ТАСС ёзмоқда. 

Маълум қилинишича, ҳодиса тахминан соат 03:00да содир бўлган, воқеа жойида 45 киши ҳалок бўлган, улардан 12 нафари болалар, автобусда жами 52 киши бўлган.

Ўт ўчириш бошқармаси бошлиғи Николай Николовнинг таъкидлашича, авария Струма шоссесининг 31-километрида содир бўлган, ЙТҲдан кейин сайёҳлар автобуси ёниб кетган.

Воқеа жойида тезкор-тергов ҳаракатлари давом этмоқда.

Тез тиббий ёрдам шифохонаси куйиш клиникаси профессори Мая Аргирова жабрланганларнинг ҳаётига ҳеч қандай хавф йўқлигини, улар куйиш ва тан жароҳатлари билан касалхонага ётқизилганини айтди. Жабрланганларнинг қўллари, юзлари ва юқори нафас йўлларида куйишлар бор.