Қирғиз ва ўзбек фуқаролари ўртасида муштлашув юз берди

11:52 / 04.12.2021     792

Қайд этилишича,  Москва шаҳрининг “Машкова” кўчаси учун жавобгар бир гуруҳ қирғизистонлик муҳожирларга кўп қаватли уй ҳовлисидаги қорни кураш топшириғи берилган.

Айни вақтда Ўзбекистон фуқаролари бўлган ишчилар ҳам уй томини қордан тозалаётган бўлган. Жанжал ўзбекистонликлар қирғизистонликлар тозалаган жойга қор ташлаши натижасида юз берган. 

Оқибатда полиция 11 кишини қамоққа олган.

Шу билан бирга, коммунал хўжалик ходимлари ўртасидаги муштлашув натижасида 7 нафари Қирғизистон ва 4 нафари Ўзбекистон фуқароси тегишли тартибда қамоққа олинган. Мазкур жанжалда 3 киши жароҳатланган.

Асосий айблов сифатида  меҳнат муҳожирларига нисбатан майда безорилик учун протокол тузилди.

Ҳозирда жанжал бўйича  прокуратура текширув бошлаган. 

Эслатиб ўтамиз, аввалроқ Москва вилоятида муҳожирлар ўртасида оммавий муштлашув содир этилгани ҳамда оммавий муштлашувда иштирок этган 50 нафарга яқин мигрант “депорт” қилингани ҳақида хабар берилганди.